Sobustawska gmejna Njebjelčicy

Gmejna Njebjelčicy
Hłowna dróha 9
01920 Njebjelčicy

telefon: 03578 301006 
telefax: 03578 302491

e-mail: gemeinde(at)nebelschuetz.de
internet: https://www.nebelschuetz.de

Rěčne hodźiny

  • póndźelu do srjedy: 08:15 hodź. - 13:00 hodź.
  • štwórtk: 13:00 hodź. - 18:00 hodź.

Wjesnjanosta

  • Čestnohamtski wjesnjanosta:André Bulang
  • Rěčne hodźiny čestnohamtskeho wjesnjanosty: wutoru 15:00 hodź. - 17:00 hodź.

Kontowe daty

Ostsächsische Sparkasse
IBAN: DE04 8505 0300 3110 0018 10
BIC: OSDDDE81XXX

Předstajenje

Gmejna Njebjelčicy mjezuje w zapadźe na wokrjesne město Kamjenc. We wjesnych dźělach Njebjelčicy, Wěteńca, Miłoćicy, Pěskecy a Serbske Pazlicy bydla na cyłkownje 22,9 qkm 1.180 wobydlerjow. Někak dwě třećinje wobydlerjow su Serbja.

Njebjelčicy so ze załoženjom klóštra Marijina hwězda 1248 k prěnjemu razej naspomnichu. Přez bliskosć ke klóštrej nastachu wuske politiske a hospodarske poćahi. Jenož w Pěskecach eksitowaše ryćerkubło, kiž w běhu stawiznow wjacore razy wobsydźerja měnješe. Jako "hród" mjenowane ryćerkubło liči dźensa k wosebitosćam gmejny.

Dalše wosebitosće gmejny su w lěće 1743 natwarjena barokowa farska cyrkej "Swj. Měrćina" w Njebjelčicach, wjesna kapałka w Pěskecach, Miłočanska žaba a spjaty jězor blisko Njebjelčic, kotryž přičahuje mnohich wudźerjow.

W zašłosći wobstejachu wjesne zhromadźenstwa přewažnje z burow a chěžkarjow, kiž sej na polach, we wokolnych cyhelnicach, skałach abo w šamotowni swój wšědny chlěb zasłužachu. Dźensa namakaja wobydlerjo wosebje we wokolnych předewzaćach a w bliskim wokrjesnym měsće Kamjenc dźěło.

Při S100 (Kamjenc-Budyšin) leži přemysłowa přestrjeń Njebjelčicy. Dojězdna dróha S102 je Njebjelčansku gmejnu na awtodróhu A13 (Drježdźany-Berlin) a A4 (Budyšin-Drježdźany) přiwjazała.

W Miłoćicach namakaš sydła Křesćansko-socialneho kubłanskeho skutka z.t. a Sakskeho krajneho kuratorija z.t. Wot politiskeho přewróta sem angažujetej so wobě towarstwje w Kamjenskim wokrjesu a přez wokrjesne hranicy na socialnym a hospodarskim polu.

Gmejna Njebjelčicy wudźeržuje wuske partnerske styki ke komunam wšelakich krajow. K rjapej partnerstwow a gmejnskeho žiwjenja słušeja wosebje towarstwa. Wosebje znata je gmejna přez Mjezynarodny gmejnski swjedźeń.

Mnozy angažuja so wo kulturelne, ekologiske, hospodarske a infrastrukturelne wuwiće gmejny. K spěchowarjam wuwića tradicionelneho serbskeho sydlenskeho ruma słušeja na jednej stronje wobydlerjo Njebjelčanskeje gmejny sami a na druhej stronje wosobiny a institucije druhich kónčinow Němskeje a Europy. Wuraz tutych prócowanjow su nam spožčene wuznamjenjenja.

  • 2008 - Europske myto za ponowjenje wjeski 2008
  • 2007 - Sakske krajne wubědźowanje - twarjenje na kraju 2007
  • 2006 - dobyćer 6. krajneho wubědźowanja "Rjeńša naša wjes - naša wjes ma přichod"
  • 2005 - dobyćer we wubědźowanju "Rěčam přichilena gmejna"
  • 2005 - dobyćer 6. krajneho wubědźowanja "Rjeńša naša wjes - naša wjes ma přichod" (wobwod Drježdźany)
  • 2004 - 2. městno při 6. krajnym wubědźowanju "Rjeńša naša wjes - naša wjes ma přichod (wokrjes Kamjenc)

Žórło: Zarjadniski zwjazk "Při Klóšterskej wodźe", "Wužitne informacije za wobydlerjow a hosći", 2003