Wuběr rěčow:

Jutrońčka

Zeleny štwórtk spominaja křesćenjo na poslednju wječer Jezusa ze swojimi wučobnikami a Wulki pjatk na smjerć Jězusa Chrystusa na křižu. Tohodla mjelča na Wulkim pjatku a soboće zwony. Na tutymaj dnjomaj su rano, popołdnju a wječor hólcy ze klepotawkami po puću. Woni ćahnu klepotajo k wšelakim křižam we wjesce. Tam so zhromadnje modla.

Jutry su za katolskich Serbow najwjetši swjedźen. Na tutym dnju swjećimy zrowastanenje Jězusa Chrystusa. Poselstwo so w jutrownej nocy we wšitkich cyrkwjach wozjewja. W farskich wosadach katolskeje serbskeje Hornjeje Łužicy swjeća so jutry na wosebite wašnje. Hižo wjacore lětstotki je z tradiciju, zo křižerjo w procesionach poselstwo wo zrowastanjenju Jězusa Chrystusa do susodneje wosady njesu.

Je znate, zo so hižo kónc 15. lětstotka mjez Wojerjecami a Kulowom tajke procesiony přewjedźechu. Korjenje křesćanskeho nałožka sahaja hač do předkřesćanskeho časa wróćo. Přez wobjěchanje polow wěrjachu, zo so młode symjo před złym škitaja. Pod wliwom křesćanstwa přeměni so tutón nałožk do křesćanskich procesionow, kotrež dźensa k zjawnemu wěrywuznaću słušeja.

W poslednich lětach ličichu přeco 1200 křižerjow a to njehladajo wulkich woporow. Tak steja swobodne dny w znamjenju přihota na jutry. Ličba koni w serbskej domiznje njeje dosahaca. Tohodla wupožčeja sej mnozy křižerjo konje za tutón dźen. Husto z dalokich wsow. Tak móže so nałožk dale hajić.

Ekumeniske zhromadne dźěło je so tež na jutrowne jěchanje wupřestrěwo. Ewangelscy křěsćenjo pomhaja katolskim bratram při wobstaranju koni.

Štož njebě prjedy móžne je dźensa móžne. Tu a tam jěcha tež ewangelski křesćan jako křižer a wozjewja poselstwo zrowastanenja Jězusa Chrystusa.

Žórło: Serbska kulturna informacija, "Jutry w Serbach", Budyšin 2002, internet: http://www.sorben.com/ski

Foto; jutry, Ralbicy, 2003, radyserb